فرحانين كتير وفرحتنا مو وسعانتنا … ليش؟؟؟

لأنه بالنسبة إلنا -إلنا يعني إيمان وعمار- .. خلص!! تحقق الحلم العربي!! إيه والله!! خلص صرنا عايشين بأوروبا وما عاد بدنا فيزا لنط من بلد لبلد!!

بالتالي قررنا إنه فعلا ننط من بلد لبلد ونعمل “زا نو فيزا توور”

بـ”زا نو فيزا توور” كل مرة رح تلاقونا بمدينة بأوروبا، ورح نقدم عرض ستاند أب كوميدي بالعربي كبير وخطير ودسم -يعني فوق 18 من هلأ عم نخبركم- وهالمرة رح نكون في أمستردام

خلينا نخبركم شوي عن حالنا قبل ما نعطيكم باقي التفاصيل:

إيمان خلوف

ايمان عصفوره الكوميديا. اردنيه من اب فلسطيني وام تركية. بدأت ايمان التحليق في عالم الفن من شي سنتين. بالعزم والإرادة ورغم رفض المجتمع حققت ايمان نجاح منقطع النظير في اسكات من كان يشكك في قدرتها. لفتت والدتها نظرها ان لسانها الطويل “طلع بفايده” باختصار ايمان مكنه “punchlines”.

Instagram: emosh007

عمار دبا

ستاند أب كوميديان وكاتب وبودكاستر سوري، عيبه الوحيد إنه من الشام … بالحقيقة عيوبه كتيرة، وأهمها إنه ما بيحب البيتنجان، بس روح قلبه المتبل … بس مو هون حديثنا، عمار صار له أكتر من 10 سنين بيعمل ستاند أب كوميدي ويتميز بلسانه يللي متل المبرد، يعني سمالله عليه ممكن ينقطع من كل شي إلا الحكي، فلا تاكلوا هم أبدا، رح تضحكوا كتير

Instagram: ammarodaba

منرجع للتفاصيل، العرض رح يكون بـ:

THE COMEDY CAFÉ AMSTERDAM

IJdok 89, 1013 MM Amsterdam

يوم الأحد 26 مارس 2023

الدخول من الساعة 5:30 المسا

العرض رح يبدا 6 المسا

العرض باللغة العربية، يعني يفضل ما يجي حدا أجنبي ونترجمله لأنه إيمان و عمار ما رح يرحموكم… يعني مشان ما تقولوا ما حكينا

والعرض +18 …… إيه أكيد +18 … وبكتير كمان … كمان مشان ما تقولوا ما حكينا ..

يلا …. نحنا بانتظاركم ومتحمسين نشوفكم ….